Geskiedenis van die US-takbiblioteke

<div><h2>Musiekbiblioteek <br></h2>Musiekonderrig in Stellenbosch het in die laaste deel van die negentiende eeu sterk vooruitgang getoon en in 1900 is besluit om 'n sentrale musiekskool te stig. Dit het gelei tot die stigting van die “South African Conservatorium of Music" in 1905, die eerste van sy soort in Suid-Afrika. Die aanvanklike klein versameling boeke het eers 'n biblioteek geword toe die Konservatorium in 1934 in die Universiteit Stellenbosch opgeneem is en 'n departement van die Lettere-fakulteit geword het Aanvanklik het die biblioteek slegs 'n paar rakke in die kantoor van die hoof van die Konservatorium, prof Maria Fismer, beslaan. Later is 'n aparte lokaal beskibaar gestel om die groeiende versameling te huisves, wat bestaan het uit 'n aantal 78-spoed grammofoonplate, 'n boekkatalogus en omtrent 200 boeke wat deur die Carnegie Korporasie van New York aan die Universiteit geskenk is.<br><br>Tussen 1961 en 1964 is die eerste twee personeellede aangestel, en het die taak begin om orde te skep in die versameling asook die talryke bemakings. Sedertdien het die Musiekbiblioteek ontwikkel in een van die grootste akademiese musiekbiblioteke in die land, met 'n goed ontwikkelde versameling van verskeie gedrukte en oudiovisuele media in die vakgebied.</div><div><br></div><div><h3>Musiekbiblioteek: Dokumentasiesentrum vir Musiek (DOMUS)</h3> </div><div><span><span>DOMUS is in 2005 gestig met die doel om navorsing op en bewaring van ons ryk musikale erfenis te bevorder. Die eerste Spesiale Versamelings Bibliotekaris is in Augustus aangestel om die versameling van die dirigent komponis Albert Coates, geskenk in 1957 deur sy eggenote Vera de Villiers, te verwerk. Sedertdien is van die belangrikste musiekargiewe van individue en instellings in DOMUS opgeneem en dien die versamelings as basis vir nagraadse studie, navorsing, kongresaanbiedinge en projekte.</span></span><br><br><h2>Geneeskunde en Gesondheidswetenskappe Biblioteek</h2><div>Die Geneeskunde en Gesondheidswetenskappe Biblioteek, voorheen bekend as die Mediese Biblioteek en die Tygerbergkampusbiblioteek, het in 1957 ontstaan met 'n beskeie versameling van ongeveer 3 000 boeke en gebonde tydskrifte asook 200 lopende tydskriftitels. Dit was geleë in 'n paar klein agterkamertjies van die Karl Bremer Hospitaal in Bellville.<br><br>Met die stigting van die Fakulteite Geneeskunde en Tandheelkunde (nou bekend as die Fakulteit Geneeskunde en Gesondheidswetenskappe), asook die Universiteit se onderrighospitaal in Tygerberg, is die biblioteek ook verskuif na die Tygerbergkampus. Oor die jare het die biblioteek verskeie transformasies ondergaan en verskeie kere van perseel verander. Sedert 1987 het die herbeplanning van beskikbare ruimte gelei tot maksimum benutting van gebruikers- en kantoorareas. Inligtingsdienste aan onderrigpersoneel en studente is aansienlik uitgebrei. Die biblioteekversameling bestaan tans uit meer as 53 000 gedrukte volumes, 700 lopende tydskriftitels en 'n groot verskeidenheid oudiovisuele en elektroniese bronne. </div>In 2005 het die Tandheelkunde fakulteite van Universiteit Stellenbosch en die Universiteit van Wes-Kaapland (UWK) saamgesmelt en die Tandheelkunde-bronne is oorgeplaas na UWK se Mondheelkunde Biblioteek op Tygerbergkampus. <br><br>Gedurende 2017 is die biblioteek tydelik in die kelderverdieping van die Onderwysgebou gehuisves tydens die herinrigting van die biblioteek om aan te pas by veranderende kliëntebehoeftes. Die nuwe biblioteek sal teen einde Januarie 2018 heropen.<br><br><h2>Teologie Biblioteek </h2><div>Die Teologie Biblioteek, voorheen bekend as die Kweekskoolbiblioteek, is die oudste takbiblioteek, asook die oudste biblioteek op kampus. Sedert die stigting in 1859 was die Teologie Kweekskool gelukkig genoeg om waardevolle boekskenkings van 'n verskeidenheid hoogaangeskrewe teoloë, predikante van die Nederduits Gereformeerde Kerk en lede van die publiek te ontvang. Die Kerk het van die begin af ondersteuning aan die Kweekskool verleen en selfs voor die Kweekskool gestig is, was die Sinode van voorneme om geld in te samel vir die stigting van 'n biblioteek. Hierdie ondersteuning duur vandag steeds voort. <br><br>In 1963 is die Teologie Kweekskool opgeneem in die Universiteit Stellenbosch as die Fakulteit Teologie. Met hierdie samesmelting het die destydse Universiteitsbiblioteek 'n groot versameling waardevolle teologiese literatuur bekom, wat die basis gevorm het vir die huidige Teologie Biblioteek. Die wye spektrum wat gedek word in die versameling wat oor 'n tydperk van meer as 100 jaar opgebou is, dra grootliks by tot die gehalte van die diens wat aan kliënte gebied word.<br></div></div>

Ons laai, wag asseblief

Maak asseblief seker dat JavaScript aangeskakel is

Vind

Gebruik die biblioteek

Navorsing

Leer

Biblioteke

Hulp

Inligting oor ons

Ons laai, wag asseblief

Maak asseblief seker dat JavaScript aangeskakel is

Geskiedenis van die takbiblioteke // <![CDATA[ _spBodyOnLoadFunctionNames.push("setupPageDescriptionCallout"); // ]]>

Geskiedenis van die takbiblioteke