U word vriendelik uitgenooi na die volgende filmvertoning en paneelbespreking ter viering van Internasionale Ooptoegangweek. Dokumentêre film: “Paywall: the business of scholarship" Datum: Vrydag 26 Oktober 2018 Tyd: 12:00-13:30 Lokaal: Ouditorium, Universiteit Stellenbosch Biblioteek Aanbieders: Isabel Basson, Mimi Seyffert-Wirth en Paulette Talliard Sedert die eerste vertoning vroeër vanjaar het hierdie ooptoegangdokumentêr die aandag van voorstanders van Oop Toegang sowel as academici getrek. Die uurlange dokumentêr bespreek die behoefte aan oop toegang tot akademiese bronne en kritiseer die opgedrewe winsgrense van korporatiewe akademiese uitgewers. Die film vertoon gesprekke met verskeie navorsers, academici, redakteurs en die skepper van Sci Hub. Die filmvertoning sal gevolg word deur 'n paneelbespreking met bydraes uit die gehoor, gefasiliteer deur Isabel Basson (PhD student en navorser by CREST – Centre for Research on Evaluation, Science and Technology), Mimi Seyffert-Wirth (Bestuurder: Digitale Akademieskap) en Paulette Talliard (Bibliotekaris: Digitale Akademieskap). Die aanbieding vorm deel van die Biblioteek se jaarlikse viering van Internasionale Ooptoegangweek. Let asb. op: Die film sal ook by Geneeskunde & Gesondheidswetenskappe Biblioteek (Tygerbergkampus) vertoon word op Vrydag 26 Oktober, 11:00-12:00, gevolg deur 'n gesprek met betrokke Fakulteitsbibliotekarisse. | 
