Uitleenvoorregte
Raagpleeg asseblief die volgende gidse vir uitleenvoorregte:
Let asseblief daarop dat biblioteekmateriaal vóór die vervaldatum herroep kan
word indien die materiaal dringend deur ander kliënte benodig word.
Terugbesorgings
Biblioteekmateriaal kan by enige van die biblioteke verbonde aan die Biblioteek- en Inligtingsdiens terugbesorg word, ongeag waar die oorspronklike lening plaasgevind het. 'n Boekposbus is by die voordeur van die Universiteit Stellenbosch Biblioteek, die Teologie Biblioteek (Stellenboschkampus) en USBB (Bellvilleparkkampusbiblioteek) beskikbaar indien items ná ure terugbesorg word.
Items met verstreke vervaldatums
Kliënte sal per e-pos in kennis gestel word indien die vervaldatums van uitgeleende biblioteekmateriaal verstreke is. 'n Boete van R1.00 per item per dag word gehef
vir items wat ná die vervaldatum terugbesorg word. As bewys dat items
wel terugbesorg is, word 'n e-pos by terugbesorging gestuur.
Kliënte wat geleende items nie binne ses weke vanaf die
vervaldatum terugbesorg of hernu nie se uitleenvoorregte word outomaties
opgeskort. Hulle sal ook 'n rekening ontvang vir die vervangingskoste
van die items. Na ontvangs van die rekening moet items onmiddellik terugbesorg,
of die vervangingskoste betaal word of 'n aanvaarbare vervangskopie
aangebied word.
Nuwe boeke
Alle nuwe boeke word vir 'n week lank op 'n rak vir nuwe boeke by die
onderskeie biblioteke geplaas. Hierdie boeke mag nie gedurende dié
periode uitgeleen word nie, maar kan by die betrokke biblioteek bespreek word. Hierdie boeke kan aan die einde van die vertoontydperk
by die betrokke biblioteek afgehaal word.
Vermiste boeke
Biblioteekmateriaal wat nie uitgeleen of op die aangewese rak is nie, moet by die betrokke biblioteek aangemeld word. Biblioteekpersoneel sal probeer om die verlore item op te spoor en aan die kliënt terugrapporteer. Indien die item dringend benodig word, kan dit via
interbiblioteeklenings aangevra word.
Verlore boeke
Kliënte wat biblioteekmateriaal verloor het, moet dit onmiddellik aan die betrokke biblioteek rapporteer. Kliënte sal 'n keuse hê om óf die vervangingskoste te betaal óf 'n soortgelyke kopie in die verlore item se plek te verskaf.
Afhaal van materiaal deur 'n derdeparty
’n Toestemmingsbrief word vereis indien materiaal namens 'n
ander persoon by die Universiteit Stellenbosch Biblioteek afgehaal word.
