Bibnuus / BibNews

 

Nog drie nuwe vakgidse, vir departemente Wiskunde, Logistiek en Rekeningkunde, is onlangs op die Biblioteektuisblad beskikbaar gestel.

Die vakgidse is onderskeidelik deur die betrokke vakbibliotekarisse by die JS Gericke Biblioteek (Elbie van Wyk en Esté Strauss) saamgestel en kan vanaf die biblioteektuisblad onder “vakgidse” bereik word.

Vakgidse is webblaaie waarop die belangrikste bronne in ’n bepaalde vakgebied gelys en groepeer  word.  Die bronne word gewoonlik volgens boeke, tydskrifte, databasisse en naslaanwerke ingedeel. 

Vakgidse verskaf ook skakels na ander webblaaie wat vir die vakgebied van nut kan wees.

Met meer as 40 vakgidse wat tot dusver voltooi is, raak dit ’n belangrike bron van inligting
vir studente, dosente en navorsers in ’n gegewe vakgebied.

Kliek hier  vir ’n volledige lys beskikbare vakgidse en ontgin die waardevolle
kennis en ervaring van jou vakbibliotekaris.