Bibnuus / BibNews

 

Die Biblioteekdiens het onlangs die skenking van twee DELL Optiplex GX260 Pentium 4 rekenaars met 17” monitors, luidsprekers en oorfone, en gelaai met Zoom Text- en Jaws-sagteware, vir gebruik deur swaksiende en blinde biblioteekkliënte onderskeidelik, in ontvangs geneem.

Een rekenaar elk is uitgeplaas by die JS Gericke Biblioteek en die Musiekbiblioteek in die Konservatorium en is in beide biblioteke in die oop rekenaarareas vir gebruik beskikbaar.

Hierdie ruim skenking is moontlik gemaak deur die Lombardi-Trust en mnr Jan Louw van Humarga en vul ’n groot leemte in die kliëntedienslewering van die Biblioteekdiens.

Kontak gerus vir Elda Nolte vir navrae by tel.: 808-2346 of e-pos: ean@sun.ac.za