Bibnuus / BibNews

 

Sertifikate en ’n lewensbeskrywing van Sir  A.F.S. Maasdorp (1847-1931), ’n  gewese hoofregter van die Oranjerivier Kolonie en regter-president van die  Oranje-Vrystaat Provinsie, is onlangs aan die JS Gericke Biblioteek geskenk. Hy is ook die skrywer van een van die eerste handboeke oor die Suid-Afrikaanse reg, Maasdorp’s Institutes of South African Law, wat vandag nog gebruik word.

Op 20 Februarie 2004 het sy kleindogter, mev. Sheila McNaught Davis, wat die items geskenk het, en haar dogter mev. Heather Scott, die biblioteek besoek om te kom kyk na waar die sertifikate nou teen die muur van die biblioteek se Regsafdeling hang. Hulle was baie beïndruk deur die manier waarop mnr. Henri Wirth, restourateur van die biblioteek, die dokumente tot hulle vroeëre glorie herstel het.

Op die foto is v.l.n.r: mev. Melinda Heese, Vakbibliotekaris Regsgeleerdheid, mev. Scott, mev. McNaught Davis en mev. Hanna Botha, Hoof Spesiale Versamelings. 

Kontakpersoon: Mev. Hanna Botha by tel.: 808-4398 of e-pos: jfb@sun.ac.za