Boeke wat uitgeneem is, bespreek

Persoonlik

Vra 'n personeellid by die uitleentoonbank om die boek te bespreek. Jy sal gevra word vir jou studente- of personeelkaart en die boek se besonderhede, spesifiek die strepieskode ("barcode").

Elektronies

Biblioteekboeke is óf aanlyn in elektroniese formaat óf as hardekopieë beskikbaar. Indien 'n boek in hardekopieformaat reeds uitgeleen is, sal dit aangedui word as "Due Date" met 'n datum daarnaas waarop die huidige lener die boek moet terugbesorg.

  • Tik die onderwerp of die titel van die boek in die soekboks op die biblioteek se tuisblad. Kies Boeke & ander items in die aftrekspyskaart en klik op STUUR.

  • Hardekopieë het 'n Print book-aanduiding en 'n Availability status bv. 0 of 1 available. Indien die item 'n "Due Date"-status het, klik deur na die volledige rekord deur op die item se titel of boekomslag te klik.

  • Klik op die maroen Place hold-knoppie.

  • Klik Request (links middel) en tik jou netwerkgebruikersnaam en wagwoord in wanneer versoek. Klik op Go.

  • Kies die Pickup/delivery location en verander die Period of interest indien nodig. Klik weer op Go (links onder).

  • Klik op Go (middel onder) vir die derde keer en die boodskap Item has been requested for pickup at [Name of library] behoort bo-aan die blad te verskyn.

  • Die bespreking is nou afgehandel. Om dit te kontroleer of te kanselleer, gaan na Renew Items (regs bo) en vind die bespreking onder Hold Requests. 

Kliënte word per e-pos in kennis gestel sodra 'n boek beskikbaar is. Dit kan dan by die uitleentoonbank afgehaal word.